Almatyda polısıa fýtbol machy kezinde qaýipsizdik sharalary týraly aıtty.
"Qaırat" pen "Real Madrıd" komandalary arasyndaǵy halyqaralyq fýtbol machynyń qarsańynda Almaty qalasynyń polısıa departamenti qoǵamdyq tártip pen azamattardyń qaýipsizdigin qamtamasyz etýge baǵyttalǵan keshendi sharalar qabyldady, - dep habarlaıdy Aqshamnews.kz.
Qyzmetke 2,5 myńnan astam polısıa qyzmetkeri, sondaı-aq Ulttyq ulannyń 300 áskerı qyzmetshisi jumyldyrylady.
Olardyń mindeti – qoǵamdyq tártipti saqtaý, jankúıerler men machqa qatysýshylardyń qaýipsizdigin qamtamasyz etý, sondaı-aq jol qozǵalysyn retteý. Jol qaýipsizdigine erekshe nazar aýdaryldy.
Ortalyq stadıon mańynda kólik qozǵalysyna shekteý qoıylýy múmkin, sondyqtan tártip saqshylary qala turǵyndarynan baǵyttaryn aldyn ala josparlap, ýaqytsha sharalarǵa túsinistikpen qaraýdy suraıdy.
- Sonymen qatar biz barlyq jankúıerler men qala turǵyndaryn alaıaqtyqtyń aldyn alý maqsatynda kúmándi ınternet-platformalardan jáne "qolma-qol" satylymnan bılet satyp alýdan bas tartýǵa shaqyramyz. Almaty polısıasy sport merekesiniń qaýipsiz ári jaıly ótýi úshin barlyq qajetti sharalardy qabyldap jatyr. Qaýipsizdik tek quqyq qorǵaý organdaryna ǵana emes, ár jankúıerdiń sanaly áreketine de baılanysty. Qabyldanyp jatqan sharalarǵa túsinistikpen qarap, polısıamen yntymaqtastyqta bolýlaryńyzdy suraımyz. Bizdiń basty maqsatymyz – azamattardyń qaýipsizdigi men quqyqtyq tártipti saqtaý, – dedi Almaty qalalyq PD jergilikti polısıa qyzmeti basqarmasynyń bastyǵy Serik Shýmaev