"Qaırat" qaqpashysy Sherhan Qalmurzanyń "Realǵa" qarsy oıyny kezekti ret Chempıondar lıgasynyń úzdik seıvteri qataryna endi, - dep habarlaıdy Aqshamnews.kz tilshisi.
Almatylyq "Qaırattyń" 18 jastaǵy qaqpashysy Sherhan Qalmurzanyń keremet seıvi UEFA Chempıondar lıgasynyń ekinshi týrynyń alǵashqy oıyn kúnindegi úzdik tórt qutqarýdyń qataryna kirdi. Bul týraly ÝEFA LCH-nyń resmı paraqshasynda jarıalady.
Qalmurza madrıdtik "Realdyń" juldyzy Kılıan Mbappeniń joıqyn soqqysyn qaıtarǵan sátimen erekshelendi.
TOP-4 úzdik seıv
Sherhannan bólek, úzdik tórttikke "Galatasaraı" qaqpashysy Ýgýrdjan Chakyr ("Lıverpýlge" qarsy oıyndaǵy seıvi úshin), "Chelsı" qaqpashysy Robert Sanches ("Benfıkamen" kezdesý), sondaı-aq "Aıaks" qaqpashysy Vıtezslav Iarosh ("Marselge" qarsy oıyny úshin) endi.
Qalmurza ekinshi ret úzdikter qatarynda
Aıta keteıik, Sherhan Qalmurza Chempıondar lıgasynyń úzdik qaqpashylary tizimine alǵash ret enip otyrǵan joq. Buǵan deıin "Sportıngpen" ótken kezdesýdegi oıyny úshin de ÝEFA jas qaqpashyny atap ótken.
Jankúıerler sany kúrt ósti
"Realǵa" qarsy Almatyda ótken oıynnan keıin Sherhan Qalmurzanyń Instagram paraqshasyna 100 myńnan astam jańa jazylýshy qosyldy.