Almaty qalasynda «Real Madrıd» jáne «Qaırat» komandalarynyń qatysýymen ótetin halyqaralyq sporttyq is-sharaǵa baılanysty qaýipsizdikti qamtamasyz etý maqsatynda Tótenshe jaǵdaılar departamentiniń bólimsheleri tarapynan kúsheıtilgen kezekshilik uıymdastyrylýda, - dep habarlaıdy Aqshamnews.kz.
Mach ótetin orynda megapolıstiń tórt órt sóndirý bólimshesiniń kúshteri men quraldary, sondaı-aq ınjenerlik-ınspektorlyq quram ókilderin qosa alǵanda, shamamen 60 TJD qyzmetkeri kezekshilik atqaratyn bolady.
Qyzmetkerler «Vario» órt sóndirý qurylǵylarymen jabdyqtalǵan. Bul — órtti órt sóndirgish zattyń qýatty baǵyttalǵan ımpúlstik aǵynymen sóndirýge arnalǵan zamanaýı júıe.
Jalpy, qalamyzda táýlik boıy joǵary daıyndyq rejıminde áreket etýge daıyn:
- 300-den astam qutqarýshy jáne órt sóndirý bólimsheleriniń qyzmetkerleri;
- 80-ge jýyq negizgi jáne arnaıy tehnıka birligi.
Biz órt jáne tehnogendik sıpattaǵy qaýipsizdikti qamtamasyz etý úshin barlyq qajetti sharalardy qabyldaýdamyz. Bólimsheler ózara is-qımylda basqa jedel qyzmettermen jáne quqyq qorǵaý organdarymen birlesip jumys júrgizýde.
İs-sharaǵa qatysýshylar men qonaqtardyń qaýipsizdigi — basty nazarda.