Fýtboldan Qazaqstan ulttyq quramasynyń bas bapkeri mindetin ýaqytsha atqarýshy bolyp Talǵat Baısýfınov taǵaıyndaldy, - dep habarlaıdy Aqshamnews.kz.
Bul týraly Qazaqstan fýtbol federasıasy (QFF) resmı málimdedi.
Otandyq tájirıbeli maman 2026 jylǵy álem chempıonatynyń irikteý kezeńi aıasynda ótetin aldaǵy eki oıynǵa quramany daıyndaıdy. Atap aıtqanda, Qazaqstan 10 qazanda Lıhtenshteınmen, al 13 qazanda Soltústik Makedonıamen kezdesedi.
Talǵat Marýauly buǵan deıin de ulttyq quramany eki kezeńde — 2016–2017 jáne 2020–2022 jyldary basqarǵan. Qazirgi ýaqytta ol jastar quramasy (U21) bapkerleriniń mentory retinde jumys istep keledi.
Qazaqstan fýtbol federasıasy Baısýfınovtiń mol tájirıbesine senim artyp, aldaǵy oıyndarda sáttilik tiledi. Sonymen qatar, QFF ulttyq quramanyń turaqty bas bapkeri qyzmetine úmitkerlermen kelissózder júrgizip jatqanyn málimdedi. Tizimde úsh sheteldik maman bar.
Eske sala keteıik, buǵan deıin fýtboldan Qazaqstan quramasynyń bas bapkeri Álı Álıev qyzmetinen bosatylǵanyn habarlaǵan edik.