Qazaqstanda 1 qazan – Qarttar kúnine oraı óńirlerde zeınetkerlerge ártúrli kólemde áleýmettik kómek kórsetiledi, - dep habarlaıdy Aqshamnews.kz.
Astana
Elordada 100 myńnan astam zeınetkerge 2,5 AEK kóleminde (shamamen 9 830 teńge) birjolǵy tólem beriledi. Bul bastama byltyrǵy dástúr boıynsha jalǵasyp otyr.
Almaty
Almatyda qarjylaı kómek qarastyrylmaǵan. Qala bıliginiń málimetinshe, zeınetkerlerge qoldaý 13 túrli áleýmettik qyzmet arqyly júzege asady.
Shymkent
Megapolıste 70 jastan asqan qarıalarǵa 3 AEK (11 796 teńge) kóleminde birjolǵy kómek beriledi. Al 80 jastan asqan jalǵyzilikti qarttarǵa aı saıyn 2 AEK (7 864 teńge) áleýmettik tólem qarastyrylǵan.
Atyraý oblysy
Bul óńirde múgedektigi bar zeınetkerlerge qazan aıynda 7,5 AEK (29 490 teńge) kóleminde birjolǵy kómek tólenedi. Sonymen birge «Teńizshevroıldyń» qoldaýymen 2023-2025 jyldar aralyǵynda 300-ge jýyq qarıa Atyraý shıpajaıynda em qabyldaıdy.
Aqtóbe oblysy
Munda birjolǵy ótemaqy berilmeıdi. Ákimdiktiń málimetinshe, qarttarǵa tólem Konstıtýsıa kúni jasalǵandyqtan, Qarttar kúnine arnaıy qarjy qarastyrylmaǵan. Degenmen merekelik is-sharalar ótedi.
Qaraǵandy oblysy
Óńirde 70 jastan asqan 51 myńnan astam zeınetkerge birjolǵy tólem beriledi. Ákimdiktiń habarlaýynsha, jergilikti búdjetten 1 mlrd teńgeden astam qarjy bólingen. Soma qala-aýdandarǵa qaraı 10 myńnan 20 myń teńgege deıin ózgerip otyrady.
Mańǵystaý oblysy
Óńirde 70 jastan asqan 24 myńnan astam qarıaǵa aýdandyq jáne qalalyq máslıhattardyń sheshimimen 15 myń teńge kóleminde birjolǵy kómek tólenedi.