Almatynyń Ortalyq stadıonynda fýtbol klýbtary «Qaırat» pen «Real Madrıd» arasynda tarıhı mach ótip jatyr. Oıynǵa jankúıerlerdiń zor qyzyǵýshylyǵyn eskere otyryp, Almaty ákimdigi qala turǵyndary men qonaqtaryna úndeý jasaıdy.
Qaýipsizdikti qamtamasyz etý jáne bıleti joq jankúıerlerdiń jappaı jınalýyna jol bermeý maqsatynda stadıonnyń kireberisinde jáne oǵan irgeles aýmaqtarda jınalmaýdy suraıdy. Abylaı han dańǵyly men Sátbaev kóshesinde adamdardyń kóptep shoǵyrlanýy keptelis jáne qoǵamdyq tártiptiń buzylýyna ákelýi múmkin.
Ákimdik jankúıerlerdiń súıikti komandasyn jaıly jaǵdaıda qoldaýǵa bolatynyn atap ótedi: úıde otbasymen birge nemese qaladaǵy oıynnyń tikeleı kórsetilimi uıymdastyrylǵan oryndarda.
Almaty ákimdigi túsinistik pen jaýapkershilik tanytqany úshin jankúıerlerge alǵys bildiredi jáne búgingi mach barlyq jankúıer úshin naǵyz fýtbol merekesine aınalýy tıis ekenin erekshe atap ótedi.