«Aýyl» partıasynyń Almaty qalasy fılıaly «Dúnıejúzilik qarttar kúni» merekesine oraı is-shara uıymdastyrdy.
Bul merekelik basqosýda partıa ardagerlerine degen qurmet kórsetildi, dep habarlaıdy Aqshamnews.kz.
Partıanyń búgingi jetistigi men qalyptasý jolyndaǵy tabystary, aǵa býynnyń eńbegi men tájirıbesiniń arqasynda. Sondyqtan ardagerlerdi qurmetteý – urpaqtar sabaqtastyǵyn saqtaýdyń mańyzdy bóligi.
İs-shara barysynda partıa múshelerine arnaıy quttyqtaýlar aıtylyp, olardyń ómirlik tájirıbesi men el damýyna qosqan úlesteri joǵary baǵalandy. Kezdesýde, qazirgi zamanaýı úrdisterge saı, ardagerlerge jasandy ıntellekt múmkindikteri jaıly shaǵyn tanymdyq dáris ótkizilip, tuńǵysh qazaq tilinde shyǵarylǵan jasandy ıntellekti paıdalaný joldaryn kórsetetin kitaptyń avtory Meıirjan Áýelhanuly ózi tabys etti. Bul ardagerlerdiń jańa tehnologıalardan shet qalmaýyna, kúndelikti ómirde paıdaly aqparattardy paıdalanýyna jol ashady.
Sonymen qatar ardagerlerdi partıanyń 25 jyldyq mereıtoıyna oraı shyǵarylǵan medaldar men estelik syılyqtar tabystaldy. Bul marapattar olardyń kóp jylǵy eńbegin moıyndap qana qoımaı, jas býynǵa úlgi bolarlyq ónege ekenin taǵy bir márte kórsetti.
Jyly atmosferada ótken basqosý ardagerlerdiń kóńilin kóterip, qýanysh syılady. Óz kezeginde partıa músheleri alǵystaryn bildirip, «Aýyl» partıasynyń el bolashaǵyna degen aıqyn baǵyty men halyqqa jasap jatqan qyzmetine joǵary baǵa berdi.