Búgin Almatynyń Ortalyq stadıonynda ÝEFA Chempıondar lıgasy aıasynda «Qaırat» pen «Real Madrıd» klýbtary kezdesti.
Oıyn 5:0 esebimen madrıdtik komandanyń paıdasyna aıaqtaldy. Stadıon trıbýnasynan 23 myńǵa jýyq jankúıer tamashalady.
Bul mach shetelde de qyzyǵýshylyq týdyrdy: Almatyǵa 5 myńnan asa sheteldik týrıs keldi. Negizgi aǵyn Qytaı, Reseı, Ispanıa, Japonıa, Ulybrıtanıa, Chehıa sıaqty elderden keldi.
Qaýipsizdikti qamtamasyz etýge 2,5 myńnan asa polıseı jumyldyryldy. Sonymen qatar, Almaty garnızonynan shamamen 50 áskerı qyzmetker kezekshilik etti. Al jedel járdem men bilikti dárigerler medısınalyq qyzmet kórsetti.
Jankúıerlerdiń yńǵaıy úshin metropolıten jumysy túngi 01:00-ge deıin uzartyldy (ádette 00:00-ge deıin). Sondaı-aq Ortalyq stadıonnan alty baǵyt boıynsha 60 tegin avtobýs qatynap, jankúıerlerdi qalaǵa jetkizdi.
«Qaırat» — «Real Madrıd» oıyny tek sporttyq shara emes, naǵyz álemdik fýtbol merekesine aınaldy. Almaty uıymdastyrý deńgeıin de, qonaqjaılyǵyn da taǵy bir márte kórsetti.