Qaırat Nurtas pen Juldyz Ábdýkárimova tuńǵysh qyzy Sezimniń 18 jasqa tolǵan týǵan kúnin Maldıv araldarynda otbasymen atap ótti. Bul týraly ol óziniń Instagram-daǵy paraqshasynda jazdy, - dep habarlaıdy Aqshamnews.kz.
Juldyz Ábdýkárimova Instagram áleýmettik jelisindegi Stories-te otbasymen demalyp júrgen sátin kórsetti. Ol Maldıv araldarynda qyzy Sezimniń 18 jasyn atap ótkenin jetkizdi.
"Negizi Sezimniń bolmysy bólek. Artyq shýdy, artyq áreketti, kóp sózdi unatpaıdy. Óte meıirimdi, Anglıaǵa oqýǵa túskeli minezi de ózgerip keledi. Tym baýyrmal, asa sezimtal bolǵan. Otbasymen ǵana ótkizetin ýaqytty qatty baǵalaıdy. Aqyldym, tuńǵyshym, týǵan kúnińmen. Ózińdegi erkindik, qarapaıymdylyq pen keń júregiń sondaı ádemi. Ómir jolyń ashyq bolsyn, kámeletke tolǵan meniń úlken bópem", - dep jazdy ol.