Alataý aýdandyq polısıa basqarmasynyń qyzmetkerleri qala aýmaǵyndaǵy meshitterde jasalǵan birqatar urlyq derekterin áshkereledi, - dep habarlaıdy Aqshamnews.kz.
Polisia.kz mlimdeýinshe, kúdikti ustalyp, onyń jamaǵattan uıaly telefondar, ámıandar jáne ózge de jeke zattardy jasyryn túrde urlaǵany anyqtaldy.
Tergeý derekterine sáıkes, kúdikti namaz ýaqytyn paıdalanyp, adamdardyń beıqamdyǵyn ańdyp, qylmysyn jasyryn júzege asyrǵan.
— Azamattardyń qaýipsizdigin, ásirese adam kóp jınalatyn oryndarda qamtamasyz etý — biz úshin asa mańyzdy. Mundaı qylmystar tek materıaldyq shyǵyn keltirip qana qoımaı, qoǵamnyń rýhanı-adamgershilik qundylyqtaryna da nuqsan keltiredi. Polısıa qyzmetkerleriniń jedel ári kásibı jumysynyń nátıjesinde urlyqtarǵa qatysy bar kúdikti ustalyp, árbir derek boıynsha sotqa deıingi tergep-tekserý júrgizilip jatyr, — dedi Alataý aýdandyq polısıa basqarmasynyń bastyǵy Edilhan Baıǵaraev.
Qazirgi tańda kúdiktiniń qylmystyq áreketiniń birneshe epızody dáleldendi. Onyń osyǵan uqsas basqa da urlyqtarǵa qatysy bar-joǵy tekserilýde.
— Azamattardy jeke zattaryna muqıat bolýǵa jáne kúmándi tulǵalardy baıqaǵan jaǵdaıda polısıaǵa dereý habarlaýǵa shaqyramyz. Túsken barlyq aqparat mindetti túrde muqıat tekseriledi, — dep tolyqtyrdy E. Baıǵaraev.
Sotqa deıingi tergeý jumystary jalǵasyp jatyr.