Oǵan sebep - birer kún buryn almatylyq komanda qaqpashysy Leo Igıtanyń basynyń daýǵa qalýy.
Áleýmettik jelide onyń avtobýsqa barar jolda fýtzal komandalarynyń emblemasyn aıaǵymen basyp ótken vıdeosy tarady, dep habarlaıdy Almaty-akshamy.kz 24.kz-ke silteme jasap.
Bul jaǵdaı ásirese «Aqtóbe» men «Astana» klýby jankúıerleriniń ashýyn týǵyzdy. Olar Igıtanyń áreketin qatty synǵa alyp, federasıa basshylyǵynan jazalaýdy talap etken edi. Osyny negizge alǵan Qazaqstan fýtbol federasıasy Ádep jónindegi komıtetiniń otyrysyn ótkizip, «Qaırat» klýbyna 500 aılyq esepetik kórsetkish kóleminde aıyppul saldy. Bul shamamen 1 mıllıon 846 myń teńgeni quraıdy.
Al klýbtyń bas dırektoryna eskertý túrinde tártiptik jaza qoldanyldy. Buǵan qosa ol atalmysh jaǵdaıdyń bastamashylaryn taýyp, túsindirý jumysyn júrgizýge mindetteldi. Aıta keteıik, Leo Igıtanyń ózi sol jaǵdaıdan kóp uzamaı arnaıy jazba jarıalap, resmı keshirim suraǵan bolatyn.