Almatynyń «Qaırat» fýtbol klýby saýda ortalyqtarynyń birinde klýbtyń kásibı komandalarynyń jańa maýsymǵa arnalǵan quramyn tanystyrdy.
Oǵan júzdegen jankúıer kelgen, dep habarlaıdy aqshamnews.kz.
Klýbtyń baspasóz qyzmetiniń málimetinshe, baqylaý keńesiniń tóraǵasy Qaırat Boranbaev chempıondyq tıtýldy qorǵaý, eýrokýboktardyń negizgi kezeńine shyǵý, Qazaqstan Kýbogy men Lıga Kýbogy úshin kúresý degen sıaqty basty maqsattardy atap ótti. Ol sondaı-aq Akademıanyń jetistikterin, sonyń ishinde Dastan Sátpaevtyń «Chelsıge» aýysqanyn erekshe atap ótti.
Jankúıerlerge klýbtyń maýsymdaǵy maqsattary týraly vıdeorolık kórsetilip, keıin akademıa túlekterinen quralǵan kásibı áıelder komandasy tanystyryldy. Sosyn negizgi quram oıynshylary, bapkerler shtaby men klýb qyzmetkerleri sahnaǵa shyqty, - delingen málimette.
İs-shara sońynda jankúıerler úshin qoltańba sesıasy uıymdastyryldy. Olar oıynshylarmen sýretke túsip, qoltańba aldy. Sonymen qatar Qaırat Boranbaev, Rafael Ýrazbahtın, Marıa Ialova men Ádilet Sadybekov qatysqan baspasóz maslıhaty ótti.