Sınoptıkter shilde aıynda elimizdiń birqatar óńirinde qurǵaqshylyq bolatynyn eskertti, dep habarlaıdy aqshamnews.kz
"Qazgıdromet" RMK 2025 jylǵy shildege arnalǵan qurǵaqshylyqqa baılanysty boljamdy jarıalady. Jaýyn-shashyn kútilmeıtin óńirler tiziminde 13 oblys qamtylǵan.
Sınoptıkter aýa temperatýrasynyń joǵarylaýy jáne jaýyn-shashynnyń jetispeýshiligi elimizdiń jeke aımaqtarynda qurǵaqshylyq jaǵdaılarynyń kúsheıýine yqpal etetinin eskertedi.
2025 jyldyń shilde aıynda birqalypty qurǵaqshylyq jaǵdaılary myna eldimekenderde kútiledi:
Batys Qazaqstan oblysynda Jánibek jáne Kaztalov aýdandarynda;
Aqtóbe oblysynda Shalqar jáne Muǵaljar aýdandarynda;
Atyraý oblysynda Inderbor aýdanynda;
Mańǵystaý oblysynda Beıneý, Mańǵystaý jáne Qaraqıa aýdandarynda;
Qostanaı oblysynda Amangeldi, Jangeldi aýdandarynda;
Qaraǵandy oblysynda Aqtoǵaı jáne Shet aýdandarynda;
Ulytaý oblysynda Ulytaý aýdanynda;
Abaı oblysynda Aıagóz jáne Úrjar aýdandarynda;
Almaty oblysynda Balqash, Jambyl jáne Eńbekshiqazaq aýdandarynda;
Jetisý oblysynda Alakól, Qaratal aýdandarynda jáne ishinara Panfılov aýdanynda taýly jerlerden basqasy;
Jambyl, Túrkistan jáne Qyzylorda oblystarynyń basym bóliginde.
"Elimizdiń qalǵan aýmaqtarynda ylǵaldaný jaǵdaılary normaǵa jýyq bolady dep kútiledi", - deıdi sınoptıkter.