Qazaqstanǵa qaıtarylǵan aktıvterdiń jalpy somasy 670,5 mıllıon dollardy nemese shamamen 297,5 mıllıard teńgeni qurady, dep habarlaıdy aqshamnews.kz.
Bul aqshanyń arasynda Avstrıadan (36,8 mıllıard teńge), Lıhtenshteınnen (116,7 mıllıard teńge), BAÁ-den (6,3 mıllıard teńge), Túrkıadan (6,5 mıllıard teńge) qaıtarylǵan qarajattar jáne sheteldik baǵaly qaǵazdardy satýdan túsken aqsha (135,8 mıllıard teńge) bar.
Sonymen qatar, Reseı men Fransıada tabylǵan aktıvter qazirgi ýaqytta «Qaıtarylǵan aktıvterdi basqarý kompanıasyna» tapsyrylǵan.
2022 jyldan beri Antıkor memleketke jáne kvazımemlekettik sektor sýbektilerine 1,1 trıllıon teńgeden astam múliktik aktıvter men qarjylardyń qaıtarylýyn qamtamasyz etti, olardyń 321,6 mıllıard teńgesi tikeleı búdjetke qaıtaryldy.