Sáıgúlik naýryzda Dýbaıda ótken álem kýbogine qatysqan edi.
«Qabırhan Birikken Arab Ámirlikterinen ketti», - delingen Qabırhanǵa arnalǵan Instagram paraqshada, dep habarlaıdy Almaty-akshamy.kz
"Uzaq ýaqyt baılanysta bolmaǵanymyz úshin keshirim suraımyz. Biz úlken ózgeristerdi bastan ótkerip jatyrmyz. Qabırhan Birikken Arab Ámirlikterinen ketip, endi... Bizdiń súıiktimiz qaıda bara jatyr dep oılaısyzdar?", - delingen Instagram paraqshada.
Qabırhannyń jankúıerleri onyń endi qaıda baratynyna qatysty boljamdaryn jazdy. "Týra joly Amerıka, eń durys sheshim. Qaıtyp kelip atasy sıaqty Dýbaı kýbogyn baǵyndyrady degen úmit bar", "Árıne, Reseı. Ony ary qaraı Aslangereı jattyqtyrady", "Qazaqstanǵa ákelmeý kerek qoı, álemniń úzdik attarynyń qatarynda júre bersin janýar", - dep jazdy jeli qoldanýshylary.
Qabırhan naýryzda Dýbaıda ótken álem kýbogine qatysqan edi. Ol ırlandıalyq jokeı Patrık Dobbspen birge altynshy nómirde jarys jolyna shyǵyp, máre syzyǵyn segizinshi bolyp kesti.