Nursultan Nazarbaev TMD-ǵa múshe elder kóshbasshylarynyń beıresmı kezdesýine qatysý úshin Sankt-Peterbýrgke barǵan.
Reseı Prezıdenti Vladımır Pýtın Qazaqstannyń Tuńǵysh Prezıdenti Nursultan Nazarbaevqa Eýrazıalyq ekonomıkalyq odaq qurý týraly ıdeıasy úshin alǵys aıtty, dep habarlaıdy Almaty-akshamy.kz RIA Novostıge silteme jasap.
«Sizdi Reseıde, Peterbýrgte kórgenimizge qatty qýanyshtymyz. Kelgenińizge raqmet. EAEO-ny damytý boıynsha áriptesterimizben jınalǵan kezde árqashan bul ıdeıanyń Sizge tıesili ekenin eske túsiretinimizdi aıta ketý kerek. Osy odaqtyń bastamashysy bolǵanyńyz úshin Sizge alǵysymyz zor», - dedi Pýtın.
Pýtın Reseı men Qazaqstannyń yntymaqtastyǵy týraly da aıtty.
«Óz tarapymnan sizderdi jáne búkil Qazaqstandy kele jatqan merekemen quttyqtaımyn», - dedi Pýtın.