Cot tyıym salǵan uıymdarǵa ermeýge shaqyrdy.
Qazaqstan Respýblıkasy Bas prokýrorynyń orynbasary Jandos Ómirálıev zańsyz mıtıńilerdi ótkizýge qatysty qazaqstandyqtarǵa úndeý jasady, dep habarlaıdy Almaty-akshamy.kz.
"Áleýmettik jelilerde sot tyıym salǵan uıymnyń 2022 jylǵy 20 qarashada zańsyz mıtıńilerdi ótkizýge, qatysýǵa jáne ózge de quqyqqa qaıshy áreketter jasaýǵa shaqyrýlary taratylýda. Ulttyq jáne halyqaralyq quqyqqa sáıkes, terorızmdi nemese zorlyq-zombylyq ekstremızmdi nasıhattaıtyn osyndaı uıymdardyń kez kelgen qyzmetine tyıym salynǵanyn atap ótemin", - dep jazdy Jandos Ómirálıev.
Onyń aıtýynsha, Qazaqstan Respýblıkasynda beıbit jınalystar, mıtıńiler, sherýler, pıketter men demonstrasıalar uıymdastyrý jáne ótkizý tártibi týraly» Zańmen (5-baptyń 6-tarmaǵy, 14-baptyń 1-tarmaǵynyń 2-tarmaqshasy, budan ári - Zań) olardyń osyndaı aksıalardy uıymdastyrýyna jol bermeý bekitilgen. Eger aksıalar memlekettiń qaýipsizdigine nuqsan keltirýge, basqa da qylmystyq áreketter jasaýǵa baǵyttalǵan bolsa, olardy júrgizýge de jol berilmeıdi (Zańnyń 14-babynyń 1-tarmaǵynyń 1-tarmaqshasy). Bul beıbit jınalystardy uıymdastyrý men ótkizýdiń negizgi qaǵıdattarynyń biri - olardyń zorlyq-zombylyqsyz sıpaty men zańdylyǵyna, sondaı-aq qoǵamdyq tártipti, densaýlyqty saqtaýdy, basqa adamdardyń quqyqtary men bostandyqtaryn qorǵaýdy qamtamasyz etýge baılanysty (Zańnyń 3-baby). Atalǵan zańsyz áreketterdi jasaýmen ushtasqan tyıym salynǵan uıymdardyń shaqyrýlary, uıymdastyrýy jáne olarmen uıymdastyrylǵan aksıalarǵa qatysqany úshin ákimshilik (ÁQBtK-niń 488-baby) jáne qylmystyq jaýaptylyq (QK-niń 179-baby (bılikti kúshtep basyp alýǵa shaqyrý), 405-baby (sot tyıym salǵan uıymdardyń qyzmetine qatysý)) kózdelgen. Quqyq qorǵaý organdary Qazaqstan Respýblıkasynyń zańnamasyn buzatyn adamdarǵa zańda kózdelgen sharalardy qabyldaıdy jáne kez kelgen quqyqbuzýshylyqtardyń jolyn kesedi.
Atap aıtqanda, aǵymdaǵy jylǵy 17 qarashada Ulttyq qaýipsizdik komıtetiniń qyzmetkerleri prokýratýra organdarynyń yqpaldastyǵymen jeti adamnan turatyn qylmystyq top qyzmetiniń jolyn kesti.
Olardyń bılikti kúshtep basyp alý maqsatynda qarý-jaraq pen tutandyrǵysh qospalardy paıdalana otyryp, jappaı tártipsizdikter men memlekettik jáne quqyq qorǵaý organdarynyń ǵımarattaryna, tirshilikti qamtamasyz etý obektilerine shabýyldar jasaýdy, olardyń qyzmetkerlerin óltirýdi josparlaýǵa, sondaı-aq daıyndaýǵa qatystylyǵy týraly qujattyq dálelder alyndy.
Sondaı-aq ustalǵan adamdardyń turǵylyqty jeri boıynsha zattaı dáleldemeler de alyndy. Qylmystyq kodekstiń 179-babynyń 2-bóligi (adamdar tobynyń bılikti kúshtep basyp alýyna jarıa túrde shaqyrý) jáne 272-babynyń 1-bóligi (jappaı tártipsizdikterdi uıymdastyrý) boıynsha sotqa deıingi tergep-tekserý bastaldy. Osyǵan baılanysty Bas prokýratýra azamattardy sot tyıym salǵan uıymdar men olardyń artynda turǵan adamdardyń arandatýyna ermeýdi, olardyń zańsyz áreketterine qatysýdan bas tartýdy jáne zańdy múltiksiz saqtaýdy aldyn ala eskertedi.
Eske salsaq, Ulttyq qaýipsizdik komıteti keshe 20 qarashada jappaı tártipsizdikterdi josparlap, uıymdastyrmaqshy bolǵan qylmystyq toptyń jolyn kesken edi.