Batys Qazaqstan oblysy Shyńǵyrlaý aýdanynyń prokýratýrasy sýbsıdıa berý kezinde zańdylyqtyń saqtalýyn taldaý nátıjeleri boıynsha 20 mıllıonnan astam teńge kóleminde búdjet qarajatyn teris paıdalaný faktilerin anyqtady, dep habarlaıdy aqshamnews.kz
Máselen, 25.12.2021j. sharýa qojalyǵy 442 asyl tuqymdy qoı satyp alýǵa ótinish berip, jalpy somasy 6 630 000 teńge kóleminde sýbsıdıa alǵan.
Taldaý barysynda bir jyldyń ishinde aýylsharýashylyǵy janýarlaryn birdeılendirý jónindegi derekqordan kórsetilgen mal eseptenshyǵarylǵany anyqtaldy. Al 15.03.2019j. Aýyl sharýashylyǵy mınıstriniń Buıryǵymen bekitilgen asyl tuqymdymal sharýashylyǵyn damytýdy, mal sharýashylyǵynyń ónimdiligin jáne ónim sapasyn arttyrýdy sýbsıdıalaý qaǵıdalaryn bekitý týraly Erejege sáıkes mal basynyń jyl boıy saqtalýy (mal shyǵynynyń zootehnıkalyq normasyn qospaǵanda) qamtamasyz etilýi mindettelgen.
Osynyń saldarynan memleketke 6 630 000 teńge kólemindegi materıaldyq shyǵyn keltirildi.
Zańdy buzý faktileri boıynsha quzyretti organǵa tıisti qadaǵalaý aktisi engizildi. Qazirgi ýaqytta prokýratýranyń usynýy boıynsha memleketke 14,7 mıllıon teńge qaıtaryldy, qalǵan somany óndirý atqarýshylyq is júrgizý tártibinde júrgizilýde.