Bul jaǵdaı Almatydaǵy medısınalyq mekemede AITV juqtyrý jaǵdaıyna baılanysty qolǵa alynyp otyr.
Almaty qalasynyń Ortalyq qalalyq klınıkalyq aýrýhanasynda úsh pasıenttiń AITV ınfeksıasyn juqtyrý faktisi boıynsha ishki ister organdary Qylmystyq kodekstiń 118-babynyń 3-bóligi (eki nemese odan da kóp adamǵa qatysty jasalǵan adamnyń ımmýn tapshylyǵy vırýsyn (AITV) juqtyrý) boıynsha qylmystyq isti tergep-tekserýde, dep habarlaıdy Almaty-akshamy.kz Elorda.info-ǵa silteme jasap.
Oqıǵanyń barlyq mán-jaılaryn anyqtaý boıynsha sharalar qabyldanýda.
Qazaqstanda sońǵy 10 jylda medısınalyq mekeme jaǵdaıynda vırýsty juqtyrý alǵash ret tirkeldi.
«Sondyqtan mundaı faktilerdiń aldyn alý maqsatynda Bas prokýratýra Densaýlyq saqtaý mınıstrligine stasıonarlyq, ambýlatorıalyq-emhanalyq jáne konsýltasıalyq-
dıagnostıkalyq kómek kórsetetin vedimistik baǵynysty medısınalyq mekemelerde keshendi tekserýler júrgizý týraly talap jiberdi»,- delingen vedomstvo taratqan málimette.
Birinshi kezeńde 549 medısınalyq mekemeni tekserýlermen qamtý josparlanýda.
Aıta keteıik, bul másele Bas Prokýrordyń erekshe baqylaýynda.