Almatynyń Óńirlik komýnıkasıalar qyzmetiniń alańynda Profılaktıkalyq medısına akademıasynyń prezıdenti Almaz Sharman megapolıste JRVI-diń órshýi jaǵdaıyna qatysty túsinikteme berdi dep habarlaıdy Almaty-akshamy.kz
Ǵalymnyń aıtýynsha, koronavırýstyq ınfeksıanyń, tumaýdyń jáne JRVI-diń sımptomdary uqsas. Biraq kovıdtiń qosymsha sımptomy – dám, ıis sezý joǵalýy jáne entigýdiń paıda bolýy múmkin.
- Koronavırýstyq ınfeksıa PTR testileý arqyly jaqsy anyqtalǵany mańyzdy. Onyń belgileri úshin taldaý jasaý jáne kez-kelgen jaǵdaıda, tipti koronavırýs bolmasa da, oqshaýlaý usynylady, - dep keńes berdi profesor A. Sharman.
Profesor tynys alý jáne joǵary temperatýra kezinde aýrýhanaǵa jatý kerek ekenin atap ótti. KVI aýyr túrde ótetin qart adamdardyń jaǵdaıyn baqylaý óte mańyzdy.
Almaz Sharman qala turǵyndaryn koronavırýsqa ǵana emes, tumaýǵa da qarsy belsendi vaksınalanýǵa shaqyrdy.
- Men koronavırýsqa, al jaqynda tumaýǵa qarsy egildim. Bul eki túrli ınfeksıa jáne olardyń ózrara sáıkestigi bolýy múmkin. Qos ınfeksıanyń saldary árqashan aýyr bolady, - dedi spıker.
Sondaı-aq, ol qazirdiń ózinde vaksınasıalanǵan azamattarǵa, ásirese 60 jastan asqan jáne sozylmaly aýrýlary bar adamdarǵa koronavırýsqa qosymsha údetkish vaksına alý kerektigin túsindirdi.
- Izraıl ǵalymdary koronavırýstyq ınfeksıaǵa ımýndyq jaýaptyń vaksınanyń alǵashqy eki dozasynan soń 6 aıdan keıin tómendeıtinin dáleldedi. Sondyqtan revaksınasıa usynylady. Ol qanshalyqty jıi qajet bolatyny áli naqty belgisiz. Ol jyl saıyn ótýi múmkin, munyń bári pandemıanyń qalaı bolatynyna baılanysty, - dedi A. Sharman.
Profesor koronavırýs ınfeksıasy endemıalyq bolǵandyqtan, bizben uzaq ýaqyt bolady dep sanaıdy. Keıde ol tumaý sıaqty kishigirim órshıdi. Sondyqtan múmkindiginshe kóp adamnyń vaksınalanýy jáne revaksınasıadan ótýi óte mańyzdy.