Uzaqqa sozylǵan proses nátıjesinde bir kezderi qazaq dalasynda jaıylǵan jylqy túrin qaıta ósirýge múmkindik týdy.
Vengrıa aýyl sharýashylyǵy mınıstrliginiń basshysy Ishtvan Nagı qazaqstandyq delegasıamen kezdesýde Hortobad ulttyq saıabaǵynda Prjevalskııdiń 300-ge jýyq jylqysy baryn aıtty, dep habarlaıdy aqshamnews.kz
"Bul jylqylar Qazaqstan dalasynda buryn bolǵan, biraq qazirgi ýaqytta tek Vengrıada bar. Biz sizderge jylqynyń osy túrin ákelemiz, olar qazaq dalasynda jaıylyp kóbeısin. Ekonomıkalyq jáne azyq-túlik sebepterinen basqa bul qadam jylqylardyń osy túri úshin qandaı da bir aýrý bolǵan jaǵdaıda qaýipsizdik máselelerin arttyrýǵa múmkindik beredi. Bizdiń eki el arasyndaǵy yntymaqtastyq osyndaı kishkentaı, biraq óte mańyzdy sátterden turady", - dep atap ótti mınıstr.
Esterińizge sala keteıik, byltyr jazda Qazaqstanǵa Praga jáne Berlın haıýanattar baǵynan Prjevalskııdiń jeti jylqysy ákelindi. Bul jylqylar kezinde qazaq dalasynda keń taraǵan, biraq 19 ǵasyrdyń ortasynda adamdardyń is-áreketi saldarynan joıylyp ketken.