Memleket basshysy Qasym-Jomart Toqaevtyń qatysýymen «Aqorda» rezıdensıasynyń aldynda Respýblıka kúnine arnalǵan Memlekettik tý kóterý rásimi ótti, dep habarlaıdy Almaty-akshamy.kz Inform.kz-ke silteme jasap.
Rásimde Qurmet qaraýylynyń bastyǵy Memleket basshysyna raport berdi. Keıin Prezıdenttiń buıryǵymen elimizdiń Memlekettik týy kóterilip, ánuran oryndaldy.
Bıyl ulttyq mereke retinde qaıta jańǵyrǵan Respýblıka kúnin el kóleminde atap ótý osyndaı saltanatty sharamen bastaldy. Memlekettik tý kóterý rásimi óńirlerde de jalǵasady.