Bul týraly Ortalyq saılaý komısıasy habarlady.
Qazaqstan prezıdenttigine úmitkerler debaty 11 qarashada ótedi, - dep habarlaıdy Almaty-akshamy.kz
«Qazirgi ýaqytta «Habar» telearnasy 2022 jyldyń 20 qarashasyna belgilengen QR prezıdenti saılaýynda saılaýaldy teledebattar men pikirtalastardy ótkizý reglamentin ázirledi. Reglament jobasy Ortalyq saılaý komısıasyna kelisý úshin usynyldy. Jobada saılaý aldyndaǵy: qatysýshylarǵa qoıylatyn jalpy talaptar, qatysýshylardyń sóıleý tártibi, is-shara qaı tilde ótetini, efır ýaqytynyń uzaqtyǵy jaryssózder men talqylaýlardy ótkizý tártibi qarastyrylǵan», - dedi OSK múshesi Anastasıa Shegorsova.
Pikirsaıysqa Qaraqat Ábden, Nurlan Áýesbaev, Jıgýlı Daırabaev, Meıram Qajyken, Erlan Qoshanov (Qasym-Jomart Toqaevtyń ókili bolady), Saltanat Tursynbekova qatysady. Debat 11 qarashada saǵat 20:00-de «Habar» telearnasynda tikeleı efırde ótedi.
«Daýys berý nátıjesinde 2022 jylǵy 20 qarashaǵa belgilengen Qazaqstandaǵy kezekten tys prezıdenttik saılaýda saılaýaldy teledebattar men pikirtalastardy uıymdastyrý jáne ótkizý týraly qaýly qabyldandy», - dedi Shegorsova.