Qazirgi ýaqytta tergeý jalǵasýda, al elde saıası jaǵdaı turaqsyz bolyp tur.
Ońtústik Koreıa prezıdenti Iýn Sok Ólge memlekettik opasyzdyq jasady degen kúdik keltirildi, dep habarlaıdy aqshamnews.kz Yonhap agenttigine silteme jasap.
Qazirgi ýaqytta prokýrorlar prezıdentke qatysty memlekettik opasyzdyq jáne qyzmettik ókilettikterin teris paıdalaný faktileri boıynsha tergeý júrgizýde.
Sonymen qatar, prokýratýra memlekettik opasyzdyq kúdigimen burynǵy qorǵanys mınıstri Kım Ón Hóndy da qamaýǵa aldy. Ol 5 jeltoqsanda otstavkaǵa ketip, úsh kúnnen keıin arnaıy tergeýge kelip, tergeýmen yntymaqtasýǵa daıyn ekenin málimdedi.
Bul oqıǵalar 3 jeltoqsanda prezıdent Iýn Sok Óldiń elde áskerı jaǵdaı engizý týraly sheshiminen keıin oryn aldy. Bul sheshim opozısıanyń qarsylyǵyna jáne jappaı narazylyqtarǵa ákeldi, nátıjesinde Ulttyq jınalys áskerı jaǵdaıdy joıýǵa daýys berdi.
Opozısıalyq «Tobýro» partıasy prezıdentti memlekettik opasyzdyq jasady dep aıyptap, onyń ımpıchmentin talap etýde.