Samıt 12-13 qazanda elordada ótedi
Prezıdent Qasym-Jomart Toqaev Azıadaǵy ózara is-qımyl jáne senim sharalary jónindegi keńes hatshylyǵynyń atqarýshy dırektory Qaırat Sarybaıdy qabyldady. Almaty-akshamy.kz bul týraly Aqordaǵa silteme jasap habarlaıdy.
Qasym-Jomart Toqaev Azıadaǵy ózara is-qımyl jáne senim sharalary jónindegi keńes hatshylyǵynyń qazirgi qyzmetimen jáne Qazaqstannyń osy uıymǵa 2020-2022 jyldardaǵy tóraǵalyǵynyń qorytyndysymen tanysty. Áńgimelesý barysynda 12-13 qazanda elordada ótetin AÓSSHK-niń VI samıtine daıyndyq máselesine erekshe nazar aýdarylǵan.
«AÓSSHK Hatshylyǵynyń atqarýshy dırektory Qaırat Sarybaı Memleket basshysyna aldaǵy samıttiń qorytyndy qujattarynyń jobalaryn kelisý úderisi týraly baıandady.
Sonymen qatar Prezıdentke AÓSSHK-ni tolyqqandy halyqaralyq uıymǵa aınaldyrý jospary jóninde málimet berildi. Bul mańyzdy mindetti júzege asyrý – Qazaqstannyń strategıalyq maqsaty.
Kezdesý sońynda Memleket basshysy aldaǵy samıtti joǵary deńgeıde uıymdastyrý jáne AÓSSHK-tegi maqsattar men mindetterdi tıimdi iske asyrý asa mańyzdy ekenin atap ótti», - delingen Aqorda málimetinde.