Júzdesýde turǵyn úı saıasaty men jergilikti ózin-ózi basqarý júıesin odan ári jetildirýge qatysty birqatar usynystar aıtyldy.
Memleket basshysy QR Prezıdentiniń janyndaǵy Ulttyq quryltaıdyń músheleri Serik Aqylbaı men Sergeı Hýdákovty qabyldady, dep habarlaıdy Almaty-akshamy.kz Aqordaǵa silteme jasap.
Kezdesýde Prezıdent «Qazaqstan zańgerler odaǵy» respýblıkalyq qoǵamdyq birlestiginiń tóraǵasy Serik Aqylbaımen otandyq quqyq júıesin damytýdyń keıbir aspektilerin talqylady.
Ulttyq quryltaı múshesi Memleket basshysyna elimizdegi reformalar aıasynda azamattardyń quqyqtyq saýatyn arttyrý týraly usynystaryn jetkizdi.
Sonymen qatar Qasym-Jomart Toqaev Ulttyq quryltaıdyń múshesi, Soltústik Qazaqstan oblysy Qoǵamdyq keńesiniń ókili, «Jergilikti ózin-ózi basqarýdy damytý ınstıtýty» jeke mekemesiniń dırektory Sergeı Hýdákovty qabyldady.
Júzdesýde turǵyn úı saıasaty men jergilikti ózin-ózi basqarý júıesin odan ári jetildirýge qatysty birqatar usynystar aıtyldy. Sonymen qatar Sergeı Hýdákov qoǵamdyq birlikti nyǵaıtý jóninde kózqarasyn bildirdi.