Toqaev sý salasynda myqty mamandar áli de jetispeıtinin atap ótti.
– Byltyr Qazaq ulttyq sý sharýashylyǵy jáne ırrıgasıa ýnıversıteti quryldy. Osy mamandyqqa bólinetin grant sany eki ese artty. 500-den astam stýdent búdjet qarjysyna bilim alyp jatyr. Olar oqýyn aıaqtaǵan soń «Dıplommen – aýylǵa» baǵdarlamasy aıasynda jumys isteı alady. Sondaı-aq 120 qyzmetker Qytaıda tájirıbe almasyp, qosymsha bilim alýda. Sý sharýashylyǵy mamandarynyń áleýmettik jaǵdaıyn jaqsartýǵa basa mán berilýde. Byltyr olardyń jalaqysy 25 paıyzǵa ósti. Bıyl da kóbeıedi. Bir sózben aıtsaq, júıeli jumys istelip jatyr, – dedi Memleket basshysy.