Bıyl Prezıdent stıpendıasy 1080 bakalavr stýdenti men 8 magıstrantqa taǵaıyndalady.
Ashyq NQA portalynda QR Ǵylym jáne joǵary bilim mınıstriniń 2023 jylǵa arnalǵan Prezıdent stıpendıasyn berý jóninde eki buıryǵynyń jobasy talqyǵa salyndy, dep habarlaıdy Almaty-akshamy.kz
Ondaǵy málimetke sáıkes, bıyl Prezıdent stıpendıasy 1080 bakalavr stýdenti men 8 magıstrantqa taǵaıyndalady.
Sondaı-aq Prezıdent stıpendıasy tórt mınıstrlik arasynda bólinedi.
Ǵylym jáne joǵary bilim mınıstrligi - 1005 bakalavr stýdentine jáne 7 magıstrantqa;
Mádenıet jáne sport mınıstrligi - 24 bakalavr jáne 1 magıstratýra stýdentine;
Densaýlyq saqtaý mınıstrligi - 6 stýdentke;
Aýyl sharýashylyǵy mınıstrligi - 45 stýdentke taǵaıyndaıdy.
Prezıdenttik stıpendıa alǵan stýdentteri bar joǵary oqý oryndary arasynda L. N. Gýmılev atyndaǵy Eýrazıa ulttyq ýnıversıteti(102), ál-Farabı atyndaǵy Qazaq ulttyq ýnıversıteti (96), Abaı atyndaǵy Qazaq ulttyq pedagogıkalyq ýnıversıteti (94), M. Áýezov atyndaǵy Ońtústik Qazaqstan ýnıversıteti(60), A. Baıtursynov atyndaǵy Qostanaı óńirlik ýnıversıteti (55), E. A. Bóketov atyndaǵy Qaraǵandy ýnıversıteti (47) kósh basynda tur.
Eske sala ketsek, Stıpendıa JOO rektorynyń buıryǵymen taǵaıyndalady jáne bir oqý jylynyń bir semestri boıy tólenedi. Stıpendıaǵa ıe bolý úshin grantpen oqý mindetti emes, ony aqyly bólim stýdentteri men magıstranttary da ıelene alady.
2023 jyly bakalavr stýdentine taǵaıyndalǵan Prezıdent stıpendıa mólsheri – 73 320 teńge, magıstranttarǵa – 173 974 teńge.