Qazaqstanda saıası jańǵyrý úderisi josparly túrde jalǵasady. Bul týraly Memleket basshysy Qasym-Jomart Toqaev Prezıdentti ulyqtaý rásiminde aıtty, dep habarlaıdy Almaty-akshamy.kz Inform.kz-ke silteme jasap.
«Memlekettik qurylysta biz «kúshti Prezıdent – yqpaldy Parlament – esep beretin Úkimet» formýlasyn naqty ustanamyz. Prezıdent saılaýy bıliktiń barlyq negizgi ınstıtýtyn dáıekti túrde jańǵyrtý úderisin bastaýǵa jol ashty. Saılaý aýqymdy elektoraldy sıkldiń bastapqy kezeńi boldy. Biz saıası jańǵyrý úderisin josparly túrde jalǵastyramyz», - dedi Prezıdent.
Búgin Prezıdent «Qazaqstan Respýblıkasy Parlamenti Senaty depýtattarynyń saılaýyn taǵaıyndaý týraly» Jarlyqqa qol qoıatynyn aıtty. Osylaısha, joǵarǵy palata depýtattarynyń kezekti saılaýy konstıtýsıalyq reformany naqty júzege asyrýdyń jalǵasy bolady.
«Saılaý qorytyndysy boıynsha Senattyń depýtattyq korpýsynyń bir bóligi básekelestik jáne ashyqtyq qaǵıdattary negizinde jańarady. Budan bólek, búgin men konstıtýsıalyq reformany júzege asyrýdyń kelesi satysy retinde «Qazaqstan Respýblıkasy Joǵary aýdıtorlyq palatasynyń keıbir máseleleri týraly» Jarlyqqa qol qoıamyn. Kelesi kezeń – ony tolyqqandy transformasıalaý», - dedi Memleket basshysy.