12 myńnan astam qazaqstandyq daýys beredi.
Syrtqy ister mınıstrligi QR Prezıdenti saılaýynda elimizdiń shet elderdegi mekemeleri janyndaǵy saılaý ýchaskeleriniń qyzmetin qamtamasyz etý boıynsha jumystar jalǵasýda, dep habarlaıdy Almaty-akshamy.kz QazAqparatqa silteme jasap.
«Álemniń 53 elindegi 68 saılaý ýchaskesinde 12 myńnan astam qazaqstandyq daýys beredi dep josparlap otyrmyz. Shetelde daýys berý prosesin ýaqtyly jáne tolyqqandy daıyndaý úshin Qazaqstan azamattarynan jaqyn mańdaǵy saılaý ýchaskesine aldyn ala habarlasýdy jáne saılaýshylar tizimine engizý úshin derekterdi usynýdy suraımyz», - dep atap ótti Aıbek Smadıarov.
Onyń málimdeýinshe, shet elderdegi saılaý ýchaskelerinde daýys berý 20 qarasha, jeksenbi kúni jergilikti ýaqyt boıynsha 07:00-20:00 aralyǵynda ótedi.
Sonymen qatar, ol bıylǵy kezekten tys QR Prezıdenti saılaýynda Ýkraınadaǵy saılaý ýchaskeleri jumys istemeıtinin atap ótti.
Aıbek Smadıarovtyń dereginshe, bul sheshim atalǵan eldegi jaǵdaıǵa baılanysty qabyldanǵan. Sondyqtan saılaýǵa qatysýǵa nıetti qazaqstandyqtar Moldova nemese Polshaǵa baryp daýys bere alady.