Onyń kandıdatýrasyn zańdy uıym usynǵan.
Ortalyq saılaý komısıasy QR Prezıdenttigine kandıdat retinde usynylǵan taǵy bir úmitkerdi tirkeýden bas tartty. Quzyrly organ Talǵat Erǵalıevtiń kandıdatýrasy talaptarǵa sáıkes kelmeıtinin anyqtaǵan, dep habarlaıdy Almaty-akshamy.kz QazAqparatqa silteme jasap.
Onyń kandıdatýrasyn «Qazaqstan qurylysshylar odaǵy» respýblıkalyq zańdy tulǵalar birlestigi 10 qazanda usynǵan bolatyn.
Ortalyq saılaý komısıasynyń hatshysy Muhtar Ermannyń aıtýynsha, úmitker Qazaqstan qurylysshylar odaǵy joǵary organy otyrysynyń prezıdenttikke usyný týraly hattamasynan úzindi, ómirbaıan derekteri, Ortalyq saılaý komısıasynyń shotyna saılaý jarnasynyń engizilgenin kýálandyratyn qujat, jeke basyn kýálandyratyn qujattyń kóshirmesi jáne joǵary bilimi týraly dıplomynyń kóshirmesin tapsyrǵan.
Qabyldanǵan qujattardy arnaıy organdar arqyly tekserý barysynda Talǵat Faızýllıuly Erǵalıevtiń memlekettik qyzmettegi jumys ótili jetkiliksiz ekeni anyqtalǵan. Onyń memlekettik organdarda jumys tájirıbesi - 3 jyl 4 aı. Sonymen qatar, onyń kandıdatýrasyn zańdy uıym usynǵan. Talapqa sáıkes, QR Prezıdenttigine úmitker azamat saılaýǵa zańdy uıym atynan túspeýi tıis. Osyǵan saı, Talǵat Erǵalıev QR «Saılaý týraly» Konstıtýsıalyq zańnyń 55-baby 1-tarmaǵynyń erejelerine sáıkes kelmeıdi dep tanyldy. Tıisinshe, OSK úmitkerdi tikeýden bas tartý týraly sheshim qabyldady.