Prezıdent elimizdegi áleýmettik-ekonomıkalyq jaǵdaıǵa qatysty keńeste qazirgi jaǵdaıdy turaqtandyrýǵa baǵyttalǵan eń aldymen atqarylatyn sharalar týraly baıandady, dep habarlaıdy Almaty-akshamy.kz
Prezıdent qazirgi jaǵdaıdy turaqtandyrýǵa baǵyttalǵan eń aldymen atqarylatyn sharalar týraly baıandady.
«Birinshiden, men Mańǵystaý boıynsha Úkimettik komısıanyń usynǵan sharalar keshenin maquldaımyn. Ekinshiden, monopolıaǵa qarsy organǵa Kásipkerlik kodekstiń 119-babyna sáıkes suıytylǵan gazdyń baǵalaryn 180 kúnge ýaqytsha baǵalyq retteýdi engizýdi tapsyramyn. Oblystarda halyq úshin shekti baǵalar ótken jyldyń sońyndaǵy baǵa deńgeıinen aspaýǵa tıis. Úshinshiden, Úkimetke suıytylǵan gazdy elektrondyq saýda alańdary men bırjalar arqyly ótkizýge tolyq kóshýdi bir jylǵa shegerýdi tapsyramyn. Osy kezeńde normatıvtik-quqyqtyq bazany muqıat ázirlep, saýda alańdary jumysynyń ashyq bolýyn qamtamasyz etý, baǵanyń kúrt ósýin shekteý tetikterin engizý qajet. Tórtinshiden, Bas prokýratýraǵa básekelestikti qorǵaý agenttigimen birlesip, baǵalyq sóz baılasý men ózge de básekelestikke qarsy is-áreketterge qatysty tergeý júrgizýdi tapsyramyn. Tergeýdi jedel júrgizińiz. Jıyrma kúnniń ishinde esep berińiz», – dedi Qasym-Jomart Toqaev.