Memleket basshysy Katar Ámiri sheıh Támım ben Hamad Ál Tánımen telefon arqyly sóılesti, dep habarlaıdy Almaty-akshamy.kz Inform.kz-ke silteme jasap.
Prezıdent Qasym-Jomart Toqaev Katar Ámiri sheıh Támım ben Hamad Ál Tánıdi fýtboldan álem chempıonatyn joǵary deńgeıde uıymdastyrýymen quttyqtady. Bul jahandyq sporttyq shara Katardyń damyǵan ári beıbitsúıgish el retinde áleýeti mol ekenin pash etti.
Taraptar, eń aldymen, saýda-ekonomıkalyq jáne ınvestısıalyq salalardaǵy ekijaqty yntymaqtastyqty nyǵaıtý perspektıvalaryn joǵary baǵalady. Osy rette Katar Ámiriniń jýyrda Astanaǵa jasaǵan memlekettik sapary barysynda qol jetkizilgen ýaǵdalastyqtardy tıimdi júzege asyrýdyń mańyzdy ekeni atalyp ótti.
Áńgimelesý barysynda ekijaqty saýdany jandandyrý jáne ekonomıkanyń túrli salalarynda birlesken ınvestısıalyq jobalardy júzege asyrý qajettigi jóninde aıtyldy.
Sonymen qatar Memleket basshysy birlesken kúsh-jigerdiń nátıjesinde Qatar Qazaqstandaǵy eń iri on ınvestordyń qataryna kiretinine senim bildirdi.