QR Prezıdenti Qasym-Jomart Toqaev mádenıet jáne óner qyzmetkerlerin kásibı merekesimen quttyqtady, dep habarlaıdy Almaty-akshamy.kz Inform.kz-ke silteme jasap.
«21 mamyr – Qazaqstannyń mádenıet jáne óner qyzmetkerleri kúni. El ıdeologıasy men jańǵyrýynda orny aıryqsha osy salanyń barlyq maıtalmanyn kásibı merekelerimen quttyqtaımyn! Sizderge shyǵarmashylyq tabys tileımin! Búgin tıisti mınıstrlikke «Qazaqstannyń halyq ártisi» qurmetti ataǵyn qaıtarýdy qolǵa alý týraly tapsyrma berdim»,-dep jazdy Memleket basshysy óziniń Twitter-degi paraqshasynda.