Prezıdent Qasym-Jomart Toqaev AMANAT partıasynan shyǵý jóninde sheshim qabyldady
Bul týraly Memleket basshysy partıa sezinde aıtty, dep habarlaıdy Almaty-akshamy.kz QazAqparatqa silteme jasap.
«Men buǵan deıin partıa tóraǵasy laýazymynan bosap, uıym qatarynan shyǵatynymdy aıttym. Osy uıǵarymdy júzege asyratyn kez keldi. Búginnen bastap AMANAT partıasynyń tóraǵasy retinde ókilettigimdi toqtatyp, partıadan shyǵý týraly sheshim qabyldadym. Bul qadamnyń sımvoldyq máni bar. Osy oraıda Prezıdent saılaýynda maǵan senim artyp, qoldaǵandaryńyz úshin barshańyzǵa alǵysymdy aıtqym keledi. Sondaı-aq partıa tizginin senip tapsyrǵandaryńyz úshin rızashylyǵymdy bildiremin», - dedi Memleket basshysy.
Budan buryn habarlanǵandaı, sıez barysynda ADAL saıası partıasynyń AMANAT partıasyna qosylý máselesi qaraldy.
Prezıdent AMANAT partıasynyń tóraǵalyǵyna Erlan Qoshanovty usyndy.