Elimizde «Júrek jylýy» qaıyrymdylyq aksıasy ótip jatyr.
Onyń aıasynda eriktiler men belsendi azamattar halyqtyń áleýmettik az qamtylǵan toptaryna: kópbalaly otbasylardyń, erekshe qajettilikteri bar jandardyń, zeınetkerlerdiń jáne ózge de turǵyndardyń ótinishi men tilegin oryndaýǵa kómektesedi, dep habarlaıdy Almaty-akshamy.kz QazAqparatqa silteme jasap.
Astana ákimi Jeńis Qasymbek «Júrek jylýy» qaıyrymdylyq aksıasy aıasynda Memleket basshysynyń atynan qala turǵynyna syılyq tabystady.
21 naýryz kúni Prezıdent Qasym-Jomart Toqaev «Júrek jylýy» aksıasyna bastaý berip, adamdardyń tilek-armany jazylǵan hattary bar sandyqshadan olardyń birin alyp shyqty. Memleket basshysy hatty oqyp, onyń ıesiniń tilegi oryndalatynyn aıtty.
Ótinishte Astana turǵyny tonometr suraǵan bolatyn. Búgin elorda ákimi Jeńis Qasymbek Gúljahan Sydyqovamen kezdesip, Memleket basshysynyń atynan tonometrdi tabystady. Sondaı-aq oǵan materıaldyq kómek kórsetilip, sanatorııge joldama beriledi. Gúljahan Sydyqova Prezıdent pen «Júrek jylýy» qaıyrymdylyq aksıasyna qatysýshylarǵa alǵys bildirdi.