Memleket basshysy Ekibastuzdaǵy jaǵdaımen tanysqan soń Pavlodar óńiriniń áleýmettik-ekonomıkalyq damýy jáne ınvestısıalyq tartymdylyǵy jóninde málimet tyńdady.
Oblys ákimi Asaıyn Baıhanovtyń baıandaýynsha, birinshi jartyjyldyqta óńirge 344 mıllıard teńge ınvestısıa tartylǵan. Bul byltyrǵy kezeńmen salystyrǵanda 30 paıyzǵa artyq.
Óńir basshysy Ekibastuzda quny 35 mıllıard teńge bolatyn tehnıkalyq kremnıı óndirý zaýyty salynatynyn aıtty. Condaı-aq oblysta EkibastuzFerroAlloys kompanıasynyń zaýyty iske qosylmaq. Jobaǵa 92 mıllıard teńge ınvestısıa quıý kózdelip otyr. Sondaı-aq joba aıasynda 1500-den astam turaqty jumys orny ashylady. Al temirjol mashınasyn jasaý salasynda RailCastSýstems kompanıasy ınvestısıa kólemi 78 mıllıard teńgeni quraıtyn ustalyq-bandaj ónimderin shyǵarý keshenin iske qosýdy josparlap otyr.
.jpg)
Óńirde burynnan jumys istep kele jatqan birqatar kásiporyn memlekettik qoldaýǵa ıe boldy. Atap aıtqanda, «Neftehım LTD» kompanıasy TMD-da birinshi bolyp epoksıdti kompaýnd óndirisin jolǵa qoıdy. «Qazmunaıhım» JSHS elimizdiń munaı-gaz salasyna arnalǵan reagentter men qospalardyń tolyq sıkldy óndirisi bastaldy.
Memleket basshysyna Poly Metal International plc halyqaralyq kompanıasy qolǵa alǵan iri jobanyń júzege asyrylý barysy jóninde málimet berildi.
Joba aıasynda quramynda altyny bar 300 myń tonna konsentratty qaıta óńdep, odan 15 tonna altyn alý josparlanǵan. Óndiriske quıylatyn ınvestısıa kólemi – 347 mıllıard teńge.
Budan bólek, Prezıdentke óńirdegi elektroenergetıkalyq kásiporyndardyń tehnıkalyq jaǵdaıy týraly baıandaldy. Oblys ákimi GRES-1 jáne GRES-2 energobloktaryn, sondaı-aq Aqsý qalasyndaǵy №7 elektrostansıany jańǵyrtý jumystary 2024 jyly aıaqtalatynyn aıtty.
Sonymen qatar Asaıyn Baıhanov azyq-túlik óndirisin ulǵaıtý perspektıvasy jóninde málimet berdi. Onyń aıtýynsha, oblysta sút óndirisi jáne ony qaıta óńdeý kólemi artyp keledi. Bıyl qosymsha 10 jańa zamanaýı ferma salynady. Oǵan 30 mıllıard teńgeden astam ınvestısıa tartylǵan.
Kezdesý sońynda Qasym-Jomart Toqaev áleýmettik-ekonomıkalyq damý josparynyń oryndalýyn qamtamasyz etýdi jáne áleýetti ınvestorlar tartý boıynsha jumystardy jalǵastyrýdy tapsyrdy.