Parlament Májilisinde ustamdy ári myqty birneshe partıa bolýy kerek
Memleket basshysy Qasym-Jomart Toqaev «Habar 24» telearnasyna bergen suhbatynda elimizdiń parlamenttik júıesin reformalaý jónindegi oıyn aıtty, dep habarlaıdy Almaty-akshamy.kz.
Suhbaty barysynda Prezıdent elimizdegi parlamenttik júıeni, partıalyq júıeni reformalaýdy shyndap oılanyp júrgenin jáne bul jaıynda 28 qańtarda partıanyń sezinde de aıtqanyn jetkizdi. Osy oraıda tıisti qadamdar memleket múddesine saı jasalýy kerek ekenin atap ótti.
«Májiliste birneshe myqty partıa bolýy tıis. Olar tipti Úkimetti qurýda da til tabysa bilýi kerek. Bizge osyndaı ózgeristermen birge saıası mádenıet deńgeıin kóterip, saıası tulǵalardy tárbıeleý qajet. Popýlızmnen arylý kerek. Germanıaǵa qarańyzdarshy, partıalar aýysyp turady. Barlyǵy mádenı túrde ózgeredi. Partıalar úkimettegi laýazymdy qyzmetterge óz ókilderin usynady. Menińshe, ýaqyt óte biz osyǵan kelemiz. Al munyń bári men Prezıdent bolyp turǵanda oryndalǵanyn qalaımyn», - dedi Qazaqstan Respýblıkasynyń Prezıdenti Qasym-Jomart Toqaev.
Sonymen Qasym-Jomart Toqaev opozısıanyń bolýyna qatysty suraqqa jaýap berdi.
«Bizde opozısıa bar, alaıda kóbine kóshede júredi», - dedi Prezıdent.
Memleket basshysynyń paıymynsha, Parlament Májilisinde ustamdy ári myqty birneshe partıa bolýy kerek. Jalpy, bul baǵytta saıası mádenıetti ósirý asa mańyzdy.