Sodyrlar Ortalyq Azıanyń bir qalasynan kelgen
Prezıdent Qasym-Jomart Toqaev «Habar 24» telearnasyna bergen suhbatynda Almatyǵa shabýyl jasaǵan sodyrlardyń jumysshy atyn jamylyp kelgenin málimdedi, dep habarlaıdy Almaty-akshamy.kz.
Prezıdenttiń aıtýynsha, bul adamdar materıaldyq qundylyqtarǵa qyzyqpaǵan. Olar ákimshilik ǵımarattarǵa jasalǵan shabýyldardy basqardy.
«Olar qylmystyq isterge, quqyq qorǵaý organdarynyń qyzmetkerlerine qatysty qujattarǵa qyzyǵýshylyq tanytty. Bul - muqıat josparlanǵan áreket. Syrttan kelgen sodyrlardy tarta otyryp, basqynshylyq áreket jasaldy. Sodyrlardyń áýejaıdy basyp alý áreketin uıymdastyrǵanyn baıqaǵan bolarsyzdar,-dedi Toqaev.
Sonymen qatar ol sodyrlar Ortalyq Azıanyń bir qalasynan kelgenin jetkizdi.
«Qazir tergeý nátıjesi Ortalyq Azıanyń bir qalasynan kelgen azamattardyń áýejeı arqyly ótýin qamtamasyz etý úshin basyp alynǵanyn kórsetip otyr. Olar - oqytylǵan jaýyngerler. Jumysshy atyn jamylyp, shekara arqyly qalaǵa kirip, operasıany basqarǵan», - dedi Prezıdent «Habar 24» telearnasyna bergen suhbatynda.