Murat Muhtaruly Áýezov 81 jasynda dúnıeden ótti.
Prezıdent memleket jáne qoǵam qaıratkeri Murat Áýezovtiń otbasy men jaqyn týystaryna kóńil aıtý jedelhatyn joldady, dep habarlaıdy Almaty-akshamy.kz Aqordaǵa silteme jasap.
Prezıdent Qasym-Jomart Toqaev asa kórnekti memleket jáne qoǵam qaıratkeri, mádenıettanýshy, shyǵystanýshy ǵalym, I dárejeli «Barys» ordeniniń ıegeri, dıplomat Murat Muhtaruly Áýezovtiń dúnıeden ótýine baılanysty onyń otbasy men jaqyn týystaryna kóńil aıtty.
«Murat Muhtaruly ult rýhanıatynyń alǵa basýyna, qazaq ǵylymynyń kókjıegin keńeıtýge bar sanaly ǵumyryn arnaǵan zıaly, parasatty tulǵa edi. Qazaq ádebıeti men mádenıetin, tarıhyn tereń zerdelep, sońyna ólsheýsiz mol mura qaldyrdy. Qazaqstannyń halyqaralyq dárejedegi bedeliniń artýyna óziniń saıası-qoǵamdyq isterimen zor úles qosty. Ǵıbratty ǵumyr keship, kemel de kemeńger áke jolyn laıyqty jalǵaǵan Murat Muhtarulynyń jarqyn beınesi men qadirli esimi halqymyzdyń júreginde máńgi saqtalady. Marqumnyń ımany salamat, jany jánnatta bolsyn», – dep jazylǵan jedelhatta.