Kompanıanyń parnıktik gaz shyǵaryndylaryn azaıtý sharalaryna nazar aýdaryldy
Kezdesýde «ArselorMıttal Temirtaý» kompanıasynyń Qazaqstandaǵy qyzmetiniń ózekti máseleleri men aldaǵy ýaqytqa arnalǵan jospary talqylandy, dep habarlaıdy Almaty-akshamy.kz Aqorda saıtyna silteme jasap.
Sondaı-aq óndiriste qaýipsizdikti qamtamasyz etý, jergilikti turǵyndarǵa ádil eńbekaqy tóleý, áleýmettik mindettemelerdi oryndaý jáne materıaldyq-tehnıkalyq bazany jańǵyrtý máseleleri áńgimeniń arqaýyna aınaldy.
Memleket basshysy kompanıanyń atalǵan talaptar men mindettemelerdi oryndaýy asa mańyzdy ekenin aıtty.
Sonymen qatar Prezıdent ishki naryqtyń qajettiligin «ArselorMıttal Temirtaý» kásipornynyń ónimderimen óteý máselesine mán berdi.
Budan bólek, kompanıanyń parnıktik gaz shyǵaryndylaryn azaıtý sharalaryna da nazar aýdaryldy.
Lakshmı Mıttal Qasym-Jomart Toqaevqa jýyq arada «ArselorMıttal» kompanıasy Qazaqstanǵa 1 mıllıard dollar kóleminde ınvestısıa quıatynyn, onyń basym bóligi óndiristi jańǵyrtýǵa baǵyttalatynyn jetkizdi.