Bul kezdesý Málik Otarbaevtyń megapolıske sapary aıasynda, Memleket basshysy IV Ulttyq quryltaı otyrysynda bergen tapsyrmalardy oryndaý maqsatynda ótti, dep habarlaıdy aqshamnews.kz
Jıyn barysynda Almaty qalasynyń Bas ımamy Tólebı Ospan jáne basqa da qatysýshylar dinı mekemelerdiń atqaryp jatqan jumysy, kadr daıarlaý erekshelikteri, meshitterdiń materıaldyq-tehnıkalyq bazasy men teologıalyq oqý oryndarynyń qyzmeti týraly aıtty.
Sondaı-aq, Bas ımam Islam dininiń mańyzdy sharttarynyń biri – qajylyqqa daıyndyq barysy, onyń uıymdastyrýshylyq jáne qarjylyq qyrlary, Almaty qalasynan qajylar tobyn qurý máseleleri jóninde málimet berdi.
Qatysýshylar Memleket basshysy Ulttyq quryltaıda aıtqan bastamalardy qoldaıtyndaryn bildirip, otbasy ınstıtýtynyń mańyzyn arttyrý, esirtkige, qumar oıyndarǵa táýeldiliktiń aldyn alý jáne dindar azamattardyń radıkaldy-ekstremıstik kózqarastarǵa boı aldyrýyna jol bermeý baǵytynda rýhanı-adamgershilik yqpal etýge kúsh salyp jatqanyn jetkizdi.
Óz sózinde Málik Otarbaev Memleket basshysy Qasym-Jomart Toqaevtyń Ulttyq quryltaıda qoıǵan birqatar mańyzdy mindetterine toqtaldy. Olardyń qatarynda – azamattardyń boıynda otansúıgishtik, zańǵa qurmetpen qaraý, óz mindetterin durys túsiný men oryndaý jáne memlekettilikti saqtaý mańyzdy ekenin atap ótti.
Ádiletti Qazaqstandy qurý isinde tek memlekettik organdar men mádenıet, bilim berý salasy ǵana emes, dinı qaýymdastyqtardyń da róli zor. Azamattardyń bógde ıdeologıa men jaǵymsyz minez-qulyqqa boı aldyrýyna jol bermeý asa mańyzdy.
Halyqaralyq saıası jáne ekonomıkalyq jaǵdaıdyń kúrdeliligin eskere otyryp, Qazaqstan kez kelgen kúrdeli úrdisterge daıyn bolýy qajet.
Dinı mekemeler men din qyzmetkerleri úshin sapaly dinı ádebıetti paıdalaný, meshitterdegi kitaphanalyq qordy tolyqtyrý mańyzdy. Memleket basshysy aıqyndaǵan basymdyqtardyń ishinde el birligi men yntymaǵynyń mańyzy erekshe ekenin Málik Otarbaev atap ótti.