Bul týraly Úkimettiń keńeıtilgen otyrysynda QR Prezıdenti Qasym-Jomart Toqaev aıtty, dep habarlaıdy Almaty-akshamy.kz QazAqparatqa silteme jasap.
«Jergilikti jerlerdegi, aýdandyq deńgeıdegi shaǵyn jáne orta bıznesti damytý máselesine toqtalǵym keledi. Aımaqtarda jumystyń alǵa basýy ákimge baılanysty ekeni ras. Kásipkerlik bastamanyń jolyn kesip, tejeıtin de kóbinese ákimder. Bul - ashshy aqıqat», –dedi Qazaqstan Prezıdenti.
Memleket basshysy ákimder tipti qarjylaı kómek bermek túgili, zań aıasynda ákimshilik qoldaý da kórsetpeıtindigin basa aıtty.
«Mundaı jónsizdikti shuǵyl túrde doǵarý kerek. Aýdan ákimderine naqty meje qoıylsyn. Olarǵa jyl saıyn árbir 10 myń turǵyn úshin keminde 100 jumys ornyn ashýdy mindettegen jón. Biz endi jumys tásilin ózgertemiz. Kásipkerler ákimniń sońynan júgirmeýi kerek. Kerisinshe, ákim ınvestor tartýǵa umtylýy qajet», - dedi Qasym-Jomart Toqaev.