Memleket basshysy Qasym-Jomart Toqaev Parlament palatalarynyń birlesken otyrysynda jyl aıaǵynda qaıda baratynyn aıtty, - dep habarlaıdy Aqshamnews.kz tilshisi.
"Meniń Túrkıaǵa jáne Qyrǵyzstanǵa saparlarym da sátti boldy. Osy jyldyń sońyna qaraı men Reseıge jáne Ózbekstanǵa baramyn. Astanada Ázerbaıjan, Armenıa, Túrikmenstan basshylaryn qarsy alýǵa daıyndalyp jatyrmyz. Sondaı-aq Azıanyń, Eýropanyń, Afrıkanyń birqatar memleket basshylarymen kezdesip, kelissóz júrgizý josparlanǵan", - dedi Prezıdent.
Prezıdent málimetinshe, Ekinshi dúnıejúzilik soǵystyń basty ınstıtýsıonaldyq qorytyndysy sanalatyn Birikken Ulttar Uıymynyń 80 jyldyǵy.
Birikken Ulttar Uıymyna áli kúnge deıin esh balama joq. Qazaqstan ony kókeıkesti halyqaralyq máseleniń bárin ádil sheshý jolyndaǵy negizgi kelissóz orny bola berýge tıis dep sanaıdy.
Degenmen Birikken Ulttar Uıymyn, ásirese, onyń eń basty organy – Qaýipsizdik Keńesin reformalaıtyn kez keldi.
"Men jaqynda Nú-Iork qalasynda Birikken Ulttar Uıymy Bas Assambleıasynyń mereıtoılyq sesıasynda sóz sóıleımin. Basqosýda halyqaralyq ahýalǵa, sonyń ishinde Birikken Ulttar Uıymyn reformalaýǵa qatysty Qazaqstannyń kózqarasyn bildirmekpin".