Búgin Memleket basshysy Qasym-Jomart Toqaevtyń Qazaqstan halqyna Joldaýyn tyńdaı otyryp, elimiz úshin asa mańyzdy jańa baǵyttar aıqyndaldy. Prezıdent kótergen máselelerdiń ózegi – ádiletti qoǵam qurý, ekonomıka men bilimdi jańa satyǵa shyǵarý, zamanaýı tehnologıany batyl engizý.
Bilim jáne jasandy ıntellekt
Joldaýda erekshe nazar aýdarylǵan salalardyń biri – bilim. Prezıdent jasandy ıntellektini meńgerý mektep qabyrǵasynan bastalýy qajet ekenin naqty atap ótti. Bul — biz úshin ǵana emes, urpaqtyń bolashaǵy úshin de tarıhı sheshim. Arnaıy oqý baǵdarlamalary men oqý materıaldarynyń ázirlenýi, ustazdardyń AI daǵdylaryn qalyptastyrýy – elimizdiń bilim júıesin túbegeıli jańartýǵa jasalǵan naqty qadam. «Qazaq Digital Mektebi» úlgisiniń qolǵa alynýy aýyldaǵy oqýshylarǵa da sapaly bilim alýǵa teń múmkindik beretinin qýana qoldaımyn.
Arman-PV baspasy bul jumysty áldeqashan bastap ketken. Biz Ekitap.kz platformasy men ArmanAI jobasyn damytyp, jasandy ıntellektini bilim berý prosesine naqty engizip jatyrmyz. Prezıdenttiń búgingi bastamalary bizdiń osy eńbegimizdi jalǵastyrýǵa jańa serpin beredi.
Sý resýrstary jáne jahandyq quzyretter
Prezıdent búgin sý máselesine de toqtaldy. Sý tapshylyǵy – tek ekonomıkalyq emes, bolashaqtaǵy áleýmettik turaqtylyqqa áser etetin mańyzdy taqyryp. Bul máseleni sheshý úshin qoǵamda jańa ekologıalyq mádenıet qalyptastyrý qajet.
Arman-PV baspasynda daıyndalǵan «Jahandyq quzyretter» oqýlyǵynda osy taqyryp tereń zerttelip, oqý baǵdarlamasyna engizildi. Óıtkeni, sýdyń qundylyǵy men ony uqypty paıdalaný qajettigin árbir bala mektep qabyrǵasynan bastap bilýi tıis dep esepteımin.
Ekonomıka jáne kásipkerlik
Joldaýda aıtylǵan taǵy bir mańyzdy tus – ınvestısıalyq ahýaldy jaqsartý jáne kásipkerlikke qoldaý. Investısıalyq shtab pen jańa sıfrlyq platformalar bıznestiń damýyna jańa arna ashady. Ásirese, shaǵyn jáne orta bızneske kórsetiletin qoldaý – eldiń ekonomıkalyq turaqtylyǵynyń kepili.
Degenmen, Prezıdent aıtqandaı, reformalardyń baıaý júrýi men búrokratıalyq kedergiler áli de sheshimin tabýy tıis. Bul syn oryndy. Memleket tarapynan qoıylǵan mindetterdiń oryndalýy naqty nátıjemen kórinýi – bıznes qaýymdastyǵy úshin sheshýshi faktor.
Áleýmettik jaýapkershilik jáne ádilettilik
Joldaýda áleýmettik ádilettilik máselesi de keńinen qozǵaldy. Ekonomıkalyq reformalar halyqtyń kúndelikti ómirine oń áser etýi úshin ádildik qaǵıdasy basty ólshem bolýy tıis. Bul qaǵıdany árbir bıznes ókili, sonyń ishinde bizdiń sala da basshylyqqa alýy kerek.
Qorytyndy
Prezıdenttiń Joldaýy – tek memlekettik jospar emes, árbirimizge baǵyt-baǵdar beretin strategıalyq qujat. Onda bilim salasyna jasandy ıntellektini engizý, sý resýrstaryn uqypty paıdalaný mádenıetin qalyptastyrý, kásipkerlikke jańa múmkindikter ashý, áleýmettik ádilettilikti nyǵaıtý sekildi úlken mindetter qoıyldy.
Arman-PV ujymy osy mindetterdi júzege asyrý jolynda óz úlesin qosa bermek. Bizdiń basty maqsatymyz – jańa dáýirdiń bilimdi, oıly, jaýapty azamatyn qalyptastyrýǵa atsalysý.
Dıdara Alına,
Arman-PV baspasynyń bas dırektory