Prezıdent Qasym-Jomart Toqaev Jambyl oblysyna jumys sapary aıasynda Baızaq aýdany Myrzataı aýylyndaǵy «Áýlıe Ata Fenıks» qus fabrıkasyna bardy, dep habarlaıdy Almaty-akshamy.kz. Aqordaǵa silteme jasap.
Memleket basshysy óndiris ornyndaǵy sehtardy aralap kórdi. Prezıdentke qus fabrıkasynyń jetekshisi Farıda Júnisova kásiporynnyń jumysy týraly baıandady.
Qazirgi ýaqytta goland tehnologıasymen 1 mıllıon balapan ósiretin óndiris ornynda 250-ge jýyq aýyl turǵyny jumys isteıdi. Kásiporyn jyl saıyn 8 myń tonna broıler etin óndiredi, sondaı-aq ónim ishki naryqqa jetkiziledi jáne Reseıge, Qyrǵyzstanǵa eksporttalady.
Bıyl qus fabrıkasynyń óndiristik qýatyn 12 myń tonnaǵa deıin arttyrý úshin jalpy quny 1,4 mıllıard teńgeni quraıtyn 6 nysan salý josparlanyp otyr.
Kásiporyn jumysymen tanysý barysynda Qasym-Jomart Toqaevqa óńirdegi qus sharýashylyǵynyń damýy jóninde málimet berildi.