Kezdesý barysynda Qazaqstan men Eýropa Keńesi arasyndaǵy yntymaqtastyqtyń damý perspektıvalary talqylandy.
Sondaı-aq aımaqtyq kún tártibiniń ózekti máseleleri, onyń ishinde Aýǵanstandaǵy ahýal sóz boldy, dep habarlaıdy Almaty-akshamy.kz Aqordanyń resmı saıtyna silteme jasap.
Qasym-Jomart Toqaev Rık Demske iltıpat bildire otyryp, onyń sapary ataýly data – Qazaqstan Táýelsizdiginiń 30 jyldyǵymen tuspa-tus kelgenin atap ótti.
«Sizdiń saparyńyzdy dál ýaqytynda jasaldy dep sanaımyn. Óıtkeni ol bizge qol jetkizgen jetistikterimizdi qorytyndylaýǵa jáne yntymaqtastyqtyń jańa baǵyttaryn pysyqtaýǵa múmkindik beredi», – dedi Prezıdent.
Memleket basshysy Eýropa Keńesi Parlamenttik assambleıasymen jan-jaqty dıalogty jalǵastyrýdyń mańyzdy ekenin atap ótti. Sonymen qatar Qasym-Jomart Toqaev Rık Demske adam quqyqtary men zań ústemdigin nyǵaıtýǵa jáne jemqorlyqqa qarsy kúreske baǵyttalǵan Qazaqstandaǵy demokratıalyq reformalardyń júzege asyrylýy jóninde aıtty.
Eýropa Keńesi Parlamenttik assambleıasynyń tóraǵasy Qazaqstanda júrgizilip jatqan saıası reformalardy quptap, elimizdiń Azamattyq jáne saıası quqyqtar týraly halyqaralyq paktiniń Ekinshi Fakúltatıvtik hattamasyna qol qoıǵanyn erekshe atap ótti.