Prezıdent Qasym-Jomart Toqaev Energetıka mınıstri Bolat Aqsholaqovty qabyldady
Memleket basshysyna elimizdiń otyn-energetıka keshenin damytýdyń negizgi kórsetkishteri, sondaı-aq Kaspıı qubyr konsorsıýmynda (KQK) qalyptasqan jaǵdaıǵa baılanysty qabyldanǵan sharalar jóninde esep berildi, dep habarlaıdy Almaty-akshamy.kz.
Energetıka mınıstri Prezıdentke gaz salasyn damytýdyń keshendi josparynyń pysyqtalý barysy týraly baıandady. Atalǵan jospar halyqtyń áleýmettik jaǵdaıy tómen toptary úshin baǵany ustap turýdy eskere otyryp, suıytylǵan gazǵa baǵa belgileý isin jetildirýdi, resýrstar bazasyn ulǵaıtýdy, óńirlerdi odan ári gazben qamtamasyz etýdi, Qazaqstannyń gaz tasymaldaý júıesin jańǵyrtýdy jáne keńeıtýdi kózdeıdi.
Qasym-Jomart Toqaev Energetıka mınıstrine elimizdegi jylý energetıkalyq nysandarda apattardyń jıilep ketýine, atap aıtqanda, Petropavldaǵy ekinshi JEO-daǵy jaǵdaıǵa qatysty máselemen aınalysýdy tapsyrdy.