Prezıdentke elimizdegi gıdrometeorologıalyq jaǵdaı men sý tasqyny kezeńine daıyndyq barysy týraly málimet berildi
Memleket basshysy Ekologıa jáne tabıǵı resýrstar mınıstri Zúlfıa Súleımenovany qabyldady, dep habarlaıdy Almaty-akshamy.kz Aqordaǵa silteme jasap.
Prezıdentke elimizdegi gıdrometeorologıalyq jaǵdaı men sý tasqyny kezeńine daıyndyq barysy týraly málimet berildi.
Memleket basshysyna sý tasqyny kezeńinde gıdrotehnıkalyq nysandardyń qaýipsiz paıdalanylýyn qamtamasyz etý sharalary jóninde baıandaldy.
Osy maqsatta vedomstvo Abaı jáne Shyǵys Qazaqstan oblystarynda tekserý jumystaryn jýyq arada júrgizýdi josparlap otyr.
Jalpy, respýblıka aýmaǵynda barlyǵy 1806 gıdrotehnıkalyq qurylys bar.
Jyl basyndaǵy jaǵdaı boıynsha 1322 gıdrotehnıkalyq qurylys ǵımaraty tekseristen ótken, 471 nysan jóndeýdi jáne jańǵyrtýdy qajet etedi.
Zúlfıa Súleımenova brokonerlikke jáne orman aǵashyn zańsyz kesýge qarsy kúres sharalary kúsheıtilip jatqanyn jetkizdi. Onyń aıtýynsha, qazirgi tańda mınıstrlik Memleket basshysynyń tapsyrmasy boıynsha elimizde orman sharýashylyǵyn damytý máselesin pysyqtap jatyr.
Qasym-Jomart Toqaev ortalyq jáne jergilikti atqarýshy organdardyń kóktemgi sý tasqynyna ázirlik jumystaryn birlese júrgizýi mańyzdy ekenin atap ótti. Sondaı-aq barlyq gıdrotehnıkalyq qurylystardy qujattaý jáne túgendeý isin jyl sońyna deıin aıaqtaý qajet ekenin aıtty.