Órtten qaza tapqan azamattardy eske alamyz.
Memleket basshysy qaza tapqan orman sharýashylyǵy qyzmetkerleriniń otbasyna kóńil aıtty, dep habarlaıdy Almaty-akshamy.kz
Prezıdent Qasym-Jomart Toqaev «Semeı ormany» tabıǵı rezervatyndaǵy alapat órt saldarynan qaza tapqan orman sharýashylyǵy qyzmetkerleriniń otbasy músheleri men jaqyn týystaryna kóńil aıtty.
«Kóńil aıtýǵa arnaıy kelip otyrmyn. Bul – búkil halqymyz úshin úlken qasiret. Elimizdiń qaıǵysy. Bekem bolyńyzdar. Orny tolmas qaıǵy ekenin túsinemin. Sizderge jan-jaqty kómek kórsetý jóninde Úkimetke tapsyrma berdim. Úkimetke nemese maǵan jeke ótinishterińiz bolsa, aıtyńyzdar. Barlyq ótinishti oryndaımyz. Qaza tapqan azamattar qaıtyp kelmeıdi. Biraq ómir jalǵasady. Osy qaıǵyly jaǵdaıǵa kinálilerdiń bári zań boıynsha jaýapqa tartylady. Dúısenbi kúnin elimiz boıynsha Jalpyulttyq aza tutý kúni dep jarıaladym. Biz qaza tapqan azamattardy eske alamyz. Sabyr saqtap, bekem bolyńyzdar. Quqyq qorǵaý organdary men mınıstrlikter tarapynan bolsyn, barlyq sala boıynsha tıisti sharalar qabyldanady. Qazir keńes ótkizemin. Bul jaǵdaıdan mindetti túrde tıisti qorytyndy shyǵaramy»z,– dedi Memleket basshysy.
